CM-in sorkar laipui hotute a kâwm

Chief minister Zoram­thanga chuan tun hnai khan New Delhi-ah sorkar laipuia mi pawimawh hrang hrangte a kâwm a, Mizoram mamawh hrang hrang a sawipui.

Zoramthanga leh Meghalaya chief minis­ter Conrad Sangma chuan January 18, 2019 khan The Citizenship (Amendment) Bill, 2016 chungchangah Union Home minister Rajnath Singh an kawm a; Zoramthanga chuan, Bill chu Mizoram tan chuan a him loh thu a sawi. Union Minister hi Union Home Secretary leh official dangte'n an ṭawiawm a ni.

January 18 vek khan CM chuan Consumer Affairs, Food and Public Distribution minister Ram Vilas Paswan a kâwm bawk a, hill state transport subsidy la pek chhuah lohte pawh pe thuai turin a ngen. Union Minister chuan, CM hi FCI kudam (godown) lian Sairang leh Champhaia sak a nih tur thu a lo hrilh.

Zoramthanga hian Agriculture secretary Sanjay Agarwal pawh a kâwm a, ei leh bara Mizo­ram intodelh theihna atana ruahmanna a neihte a hrilh a ni.