Naupang tan lem-ziaka inelna buatsaih

Indian Trust for Art and Cultural Heritage (INTACH), Mizoram chapter chuan January 19, Inrinni khan Chaltlang Higher Secondary School-ah sikul naupangte tan lemziaka intihsiakna an buatsaih a, thupui chu 'My water heritage' tih a ni.

Intihsiakna hi INTACH Mizoram Chapter convener P Rohmingthanga'n a kaihruai a, Aizawl khawpuia sikul 10 aṭang-in zirlai ṭhahnem tak an tel. He intihsiaka a ti 

ṭha zual thlan chhuahte chu hmarchhak huapa intihsiakah an tel ang a, an tlang zel a nih chuan India ram pum intihsiak an hmachhawn leh ang.

INTACH co-convener Rin Sanga chuan inelna buatsaih chhan sawiin, khawvel boruak sik leh sá inthlak danglam zelah tui thianghlim a tlem tial tial dawn a, chutih laiin, mihring an pung zel a, kum 2030-ah chuan khawvelah mihring tluklehdingawn 80 an tling tawh dawn tih a sawi a, "Tui thianghlim neih kawngah harsatna namen loin kan hmachhawn dawn a ni," a ti.