Saitual district-a telh vangin lungawi lo

North Khawlêk, Vanbâwng, Làmherh leh Suangpuilawn khuaa village council, tlawmngai pawl leh political party zawng zawngte chuan thuchhuah siamin, Saitual district-a awm an duh loh thu an puangzar tawh chunga Mizoram sorkarin Saitual district-a a rín lut tel chu an lungawi loh thu an tarlang.

Nimina an thuchhuah chuan, "Keini tlángdung - North Khawlêk, Vànbâwng, Làmherh leh Suangpuilawn khua Joint Village Council, all NGO leh political party chuan, Govt. of Mizoram Gazette No. A. 60011/20/2019-GAD chhuakah Saitual district thar boundary chhunga tel lo tura Joint V/C, Joint Students' Union, Tuivai Group YMA leh Sinlung Hills Council-te pawhin a hma aṭanga ngenna an lo siam tawh chung pawh a, bial mipui duh dan leh ngaihdan ngai  pawimawh loa Saitual district-a min rîn lut lui hi kan duh loin kan lungawi lo tak zet," an ti.

Khaw palite chuan Saitual district-a awm tura tihna chu tidanglam a, Aizawl district-a awm zel an duhna tihpuitlinsak ngei turin Mizoram sorkar an phût a; an thil phût chu August 23, 2019 ral hmaa tihhlawhtlin a nih loh chuan Joint V/C huam chhunga mite'n a ṭul angin hma an lak tur thu an puang.