Two wheeler taxi Intlân chhâwk dawn

Traffic SP chuan thupek chhuahin, Coordination Com­mittee on Traffic Manage­ment thutlukna angin, Aizawla two wheeler taxi-te chu September 2, 2019 aṭangin intlân chhâwk tur a nih thu a puang.

Traffic SP Rodingliana Chawngthu tarlan danin, two wheeler intlân chhâwk hi Aizawl khawpui chhunga lirthei tâwt lutuk tihziaawm nan leh mipui vantlang tana remchanna zawk tur a nih beisei vanga tih a ni a; two wheeler taxi-te chu sticker A (a sen), B (a pâwl), C (a hring), D (a eng) & E (a dum) hmangin thliar hran a ni.

•    Two wheeler taxi-te chu group pangaah ṭhen a ni ang a, hmun ngaa ṭhena hmun li (4/5)-te chu Aizawl khawpui tlangdung kawngpui (main spine/artery)-ah an tlan thei ang a, hmun ngaa ṭhena hmun khat (1/5) chu tlangdung kawngpui (main spine/artery)-ah an tlan thei dawn lo.

•    Intlân chhâwk hun chu zing dar 9 aṭanga tlai dar 6:30 a ni ang.

•    Intlân chhâwk hian Thawhṭanni aṭanga Zirtawpni thleng a huam dawn a; Inrinni-ah chawhnu dar 1 hnu lam leh, Pathianni leh sorkar chawlh (holiday)-te a huam lo.

•    Intlan chhâwk dan tur ruahmanna (table) chu thla ruk zel atan siam a ni ang.