GSDP-ah service sector-in an thawh hlâwk

Economics & Statistics department chuan nimin khan 'Overview of State Domestic Product & Its Related Aggregates (2011-2012 series), Mizoram State' an tlangzarh. Lehkhabua tarlan danin, Mizorama Gross State Domestic Product (GSDP)-ah sorkar hnathawk (service sector)-in an thawh hlâwk ber.

GSDP aṭanga sum hmuhna chu sector pathum - agriculture & allied sector, industry sector leh service sector-ah ṭhen a ni. Sorkar hnathawkte'n an hlawh leh hamṭhatna dang aṭanga an sum hmuh hrang hrangte chu Mizoram GSDP san chhan ber a ni.

Overview of State Domestic Product & Its Related Aggregates (2011-2012 Series), Mizoram State-ah hian kum 2012-13 aṭanga 2017-18 inkar dinhmun tarlan a ni a; kum 2017-18 bik chu provisional estimate niin, a bak zawng chu final GSDP a ni.

Kum 2012-13 aṭanga 2017-18 chhunga GSDP-a service sector-in an thawh tam ber ṭum chu kum 2012-13 a ni a, 62.14% an thawh. Agriculture & allied sector-in an thawh tam ber kum chu 2014-15 a ni a, 31.49% an thawh a; industry sector chuan an thawh tam ber kum 2017-18 ah 23.59% an thawh ve bawk.

Mizoram GSDP hi kum tin a pung a, kum 2011-12 GSDP chu cheng nuai 7,25,869 a nih laiin, kum 2017-18 GSDP chu cheng nuai 19,45,730 a tling. Kum 2011-12 leh 2017-18 a GSDP inthlauhna chu cheng nuai 12,19,861 a ni.

Mizoram GSDP dinhmun

    (Rs. in lakh)

Kum            GSDP zat

2011-12    7,25,869

2012-13    8,66,193

2013-14    10,29,337

2014-15    13,50,940

2015-16    15,13,886

2016-17    17,19,191

2017-18    19,45,730