Mithiamte hi lehkhabu chhiar nasa an ni zel - IPR Minister

IPR Minister chuan, lekhabu chhiar tamin hriatna a pung bik a ni tih hriat thar a pawi­mawh thu sawiin, "Khawvela mi ropui tia kan sawiho leh mithiam kan tihte hi lehkhabu chhiar nasa an lo ni zel. Lehkhabu hi a hlu em em a, a hlutna hi kan hrethiam pha meuh ṭhin lo zawk a ni," a ti a; ram changkang apiangin lehkhabu hlutna an hriat chian thu a sawi.

Thil rêng rêng a nihna leh thu dik hre tur chuan lehkhabu chhiar tam a ngai tih sawiin Lalruatkima chuan, "Whatsapp tih velah chuan dâwt puarpawléng a tam em em ṭhin. Book Fair-ah hian lehkhabu ṭha tak tak leh váng tawh tak tak pho chhuah a ni ṭhin a, hei hi kan hman ṭangkai a ngai. Dawr danga kan hmuh mai mai loh tur pawh Book Fair ah kan hmu thei ṭhin a, a hlutna kan hriat deuh deuh ka duh a ni," a ti. Book Fest cum Writers Meet-ah hian lehkhabu 21 tlangzarh a ni a, lehkhabu chi hrang hrang chi 871 zawrh chhuah a ni.