Lei tlahniam zir chiang

National Disaster Management Authority (NDMA)-a expert team chuan chief minister Zoramthanga ngenna angin nimin aṭang khan Hunthar Venga lei tlahniam ṭhin an zir chiang ṭan.

NDMA expert team-te dawngsawngtu minister Robert Romawia Royte chuan, Hunthar Veng lei tlahniam chu kum 1993-a inṭan tawh a nih thu sawiin, "Tun hnai kum 4/5 chhungin a zual zel a. He kawngpui hi Mizoram tan châkkhai lakna ber a nih bakah, airport panna kawng awmchhun a ni," a ti a; expert team-te chu ṭhál laia hna thawh hman a nih theihna atan an report thehlut rang turin a ngen.

Ruahman lâwk ang chuan, expert team hian vawiin zingah Armed Veng mawnga lei tlakhniamna hmun an tlawh leh ang a, tlai lamah an thil hmuh dan Chief Minister hnenah an hriattir dawn a ni.