Member ruat dan duh lo

Ex-Hmar Volunteer Asso­ciation chuan thu­chhuah siamin, Mizoram sorkarin Sinlung Hills Council (SHC) interim period pawtsei a, member a ruat dan chu an duh loh thu an tarlang.

Ex-Hmar Volunteer Association chuan, SHC member ruat thar dan chu HPC(D) leh Mizoram sorkar inremna palzûtna leh Hmar hnam leh HPC(D) hmuhsitaa an ngaih thu an tarlang a, "Mizoram sorkar hian order a chhuah hi sût leh vat turin kan ngen. Member ruat thar zawng zawngte pawh pawm lo turin kan ngen nghal bawk a ni," an ti.

SHC member chu party mal induhsakna atana hman an remtih loh thu tarlangin Ex-Hmar Vo­lunteer Association chuan, HPC(D) leh Mizo­ram sorkar inremna zah turin Mizoram sorkar an ngen. 

Thu dawn danin, SHC member ruat thar zing­ah hian inremna vanga HPC(D) mi leh sa lo chhuakte zinga pakhat chiah dah a ni a, chief exe­cutive member Lalthlamuana Hmar leh execu­tive member Melody Lal­chhuangzeli erawh HPC(D) mi leh sa ni lo mah se, HPC(D) Council-in interim member atana an pawm thlap thung. A bak member thar 11 chu MNF mi leh sa leh an thawhpuite an ni.