Chapchar Kût kawng zawh tum

Chapchar Kût 2019 Programme Sub-Committee chu nimin khan Art & Culture director R Hmingthanzuala hoin a pisaah an ṭhukhawm a, 'Chapchar Kût Kawngzawhpui' huaihawt an rêl.

Meeting-a tarlan danin, Champhar Kût hi Aizawlah chuan a ni khatna, February 28-ah Art & Culture minister R Lalzirliana Kût Pa a ni ang a, a ni hnihnaah Art & Culture secretary H Sangdingliana Kut Pa a ni ang.

A ni hnihnaah 'Chapchar Kût Kawngzawhpui' huaihawt tum a ni a, chawhma dar 10-ah Israel Point leh Treasury Square aṭangin Chapchar Kut hmanna tur Lammual panin kawng zawh tum a ni. Kawng zawhnaah hian brass band-in hma an hruai ang a, Zo hnahthlak hnam hrang hrang incheinaa incheite'n an zui bakah, lâm thiam leh zaithiamte nen kawng zawh tum a ni.

Chapchar Kût thupui atan 'Zo fate inpumkhatna' tih thlan a ni a, khawvel hmun hrang hrang aṭangin Zo hnathlak hnam hrang hrang aiawhte kût chhim tura sâwm an ni ang.