Kawngpui siamṭhat dan tur enfiah

Lunglei High Powered Committee (HPC) vice chairman Lawm­awma Tochhawng, MLA chuan nimin khan official leh khawtlang hruaitute nen Lunglei Ramthar Veng leh Farm Venga kawngpui leh tuihâwk luankawr siamṭhat ngai leh hmasawnna hna thawh ṭul dangte a hmunah an enfiah.

Lawmawma To­chhawng ho hian Nghasih thleng kalin, a panna kawng siam dan tur leh Nghasih zaua lo neitute harsatna tawhte enfiah a ni a, "Nghasih kawng siam mek hi Lunglei mipui leh he laia lo neitute tan a pawimawh tak zet a ni," tiin, kawng tlo leh ṭha siam turin department hotute a chah.

HPC Vice Chairman chuan, Nghasih lui fintu Khuai lui lei pawh a rang thei ang bera thuam ṭhat ṭul a tih thu sawiin, PWD hotute nen hmalak dan tur an sawiho nghal.

Culvert leh side drain bakah, kawngpui siamṭhat ngaite hi PWD bakah HPC aṭanga siam tura rua­hman an ni a, PWD Lung­lei hotute chuan a siamṭhat dan tur ruahmanna a hma thei ang bera peih an tum thu an sawi.