Kolasib MJA-in inkhawmpui an hmang

Kolasib District MJA chuan nimin khan John C-a Picnic Spot-ah Annual Conference an hmang a, MJA Gen.Hqrs. president Zonunsanga Khiang­te leh hruaitu dangte'n an hmanpui.

Zonunsanga Khiang­te chuan, MJA chuan hnungtawlh loin hma lam a pan zel tih sawiin, "Hei hi kan hruaitu hlui leh tuna member-te thawh rah bakah, thawhhona ṭhat vang a ni a, kan chhawm nun zel a ṭul. Aia upate zahna chhawm nun kawngah MJA aia ṭha leh vawngnung pawl dang an awm hre lo," a ti.

MJA President chuan chanchinbumite zalenna chunchang sawiin, "Hemi kawngah hian kan fimkhur leh zual a pawimawh. Kan thuziakte uluk zual zel a pawimawh," a ti a; social media hmanga mipuite thu belhchian dâwl faha awp beh tum turin MJA member-te a fuih.

Inkhawmah hian Kolasib MJA president R Lalhmingthanga pawhin thu sawiin, secretary R Lalchungnunga chuan an hmalakna hrang hrangte a tarlang. Kolasib District MJA-ah hian member 16 an awm mek a ni.