Gas man bithliah thar

Indian Oil Corporation (IOC) chuan eirawngbawlna gas man a bithliah thar a; Food, Civil Supplies & Consumer Affairs department pawhin February 1, 2021 aṭanga Mizorama hman ṭan turin gas man thar a tichhuak.

Rate tharah chuan gas domestic cylinder (kg. 14.2) chu Vairengteah búr khat Rs. 837.50 man a ni a, hmun dang zawngah Rs. 846 a ni. Commercial cylinder (kg. 19) chu Vairengteah Rs. 1,837 a ni a, hmun dang zawngah Rs. 1,853.50 a ni.

Gas chu home delivery-a hralh a nih chuan a man pangngai bakah Rs. 70 belh tur niin, point delivery-a sem a nih chuan Rs. 7.53 belh tur a ni a; showroom-a hralh a nih erawh chuan Rs. 27.60 paih tur a ni thung.