Assam leh Mizoram ramri-ah joint duty nei dawn

Mizoram leh Assam ramri-ah heroin leh ruihhlo dangte tawlhrûk ṭhin ven a nih theihna atan Excise & Nar­co­tic depart­ment, Kolasib leh Assam Excise hotute chu January 23, 2019 khan Sil­char-ah inbia a, ramri-ah joint duty neih an rel. 

Meeting-ah hian Mizoram aṭangin Excise & Narcotics assistant commissioner Ngur­thanzama leh officer-in-charge Vanlalvura Ralte te an kal a; Assam Excise-te nen ruihhlo tawlhrûk ven dan tur an sawiho hnuah, Mizoram leh Assam ramria join duty neih turin thutlukna an siam a ni.

Ngurthanzama sawi danin, tun hnaia Kolasib-a heroin hawng hnih an man pawh Bagha aṭanga hnam dangin Mizorama an rawn ken luh a ni.