ZPM ṭhalaiin NGO an thláwp

ZPM ṭhalai chuan thuchhuah siamin, The Citizenship (Amendment) Bill, 2016 dodalna kal zela NGO Coordination Committee-in thuthlukna an siam tawh, vawiina Republic Day hman tur boycott tur chu an thláwp tih an tarlang.

ZPM ṭhalaite chuan, The Citizenship (Amendment) Bill an duh lohzia entir nan an party pisaah vawiin flag dum an târ tih an tarlang a, "Chief minister zah­awm tak leh MNF president Pu Zoramthanga’n NDA aṭanga inhnuhdawh a ṭul chuan an hreh loh thu a sawi hi a lawmawm kan ti a; inhnûkdâwk ngei turin kan phût bawk a ni," an ti. Mizoram sorkar chu ram leh hnam ṭhatna tur­ah chuan a tàwp thlenga an thlawp dawn thu an sawi bawk.