Rakzu leh a siamna hmanrua man

Mamita Excise & Narcotics department (END) chuan January 20-25, 2019 chhung khan rakzu litre 90, zu bilh lai ṭîn 130 leh zu siamna bél pasarih an man a, a kaihhnawihah mi pathum an man bawk.

END tarlan danin, Mizoram sorkarin dry day a puan hnuah Mamit leh a chhehvelah rakzu a hluar thar a, chuvang chuan Mamita END mi leh sate'n nasa takin 

ṭan a la thar a, zu leh a kaihhnawih thil eng emaw zat an man a ni.

Mamita END chuan, tunlaia rakzu siam­tute'n an zu bilhah buh an hmang meuh lo a, changélte leh instant yeast an hmang ṭhin tih tarlangin, "Heng hmanga zu an thlawrte hi mihring hriselna atana hlauhawm tak a ni a, in lo turin mipui kan ngen tak meuh a ni," an ti.

Mamita END chuan, Assam aṭangin Mizoramah sapzu a rawn lut ṭan mek thu an sawi.