Oil leh gas-ah hma la
Food, Civil Supplies & Consumer Affairs department chuan, tuialhthei leh eirawngbawlna gas-te chatlak loa mipui hnenah sem a nih theih nan filling station (pump) neitute leh eirawngbawlna gas (LPG) distributor-te hnena ngenna an tichhuak a; fi lling station neitute chu an hawn hun tur sorkarin a siam chu ṭha taka zâwm turin an chah.
FCSCA NGENNA
Filling station-ah POL chatlak a awm lohna turin indent siam zung zung ni se. LPG distributor zawng zawngte'n LPG chatlak/nghei a awm lohna turin IOC-ah indent siam ran ni se. Hemi kawngah harsatna a awm a nih chuan bialtu DCSO/Department thuneitute hriattir vat zel tur a ni # Filling station hawn hun sorkarin a siam hi ṭha taka zawm ni se. Hripui léng laka inven nan POL latu leh a semtu leh, LPG sem, khawih leh latu zawng zawngte'n mask, glove, sanitizerte hmang uar se. Pump tinah leh LGP sema indawrnaah inhnaih chilh loh tur a ni