Hun hman zawh tum lo
Mizoram Govt. Doctor Association (MGDA) ngenna vangin Aizawl Civil Hospital (ACH) medical superintendent Dr KL Remsanga chuan sorkarin hun a pawhseisak chu hman zawh a tum lo.
Dr KL Remsanga hi December 31, 2018 khan superanuation pension-a chhuak tur a ni a, mahse, Mizoram sorkarin thla thum (March 31, 2019 thleng) atan a pawhseisak. Chutih laiin, MGDA inkhawmpuiin Mizoram sorkara doctor-te pension pawhsei lo tura thutlukna a siam tawh avangin, sorkarin hun a pawhseisak chu hman zawh a tum lo a ni.
Tun dinhmunah sorkarin ACH medical superintendent tur a la ruat lo a, sorkarin a ruat velah a hna a chawlhsan tur thu Dr KL Remsanga chuan Vanglaini palai a hrilh.