BJP leh an thawhpuite Hnâwl a ṭul - Duhoma

Zoram Peoples' Move­­ment (ZPM) Legislature Party leader Lalduhoma chuan nimin khan an pisaah thu a sawi a, "Kan hnam leh sakhaw hum­himna atan BJP leh a thawhpuite hnâwl a ṭul," a ti.

Lalduhoma chuan, Lok Sabha inthlanpui lo awm turah India ram pumah BPP tel lohna sorkarna siam ngei tuma hmalakna kalpui mek a nih thu sawiin, "A bik takin India hmarchhaka tualṭo party-te leh BJP sangawi zawnpuite'n Citizenship (Amendment) Bill duh lohna leh dodalna avangin BJP aṭangin an inhnûkdâwk chho mek zel. Mizoramah pawh hian BJP leh a sangawi zawnpuite kan hnâwla kan hnam leh sakhua humhima a awm theih nan theihtawp chhuah a ni," a ti a; BJP leh a thawhpuite paihthlak an nih theihna atana ZPM hmalakna tihpuitlina a awm theih nan Zoram mipui ṭawiawmna a ngen.

Inkhawm hi general secretary Vanlalneiha Ralte-in a kaihruai a; ZPM senior vice president Dr Kenneth Chawngliana'n Pathiannia thi L Malsawma Colney, Biate chanchin sawi­in, sûnna hun an hmang a ni.