A tak takin hna kan thawk dawn - C Lalrinsanga

Minister C Lalrinsanga chuan nimin khan Mizo Hnam Rûnah thu a sawi a; mahni inhlanna tak tak nen sorkar thar­in hna thawh a tum nia sawiin, "A tak takin hna kan thawk dawn," a ti.

C Lalrinsanga chuan, nationalism-in do leh beih tâwk ṭhin mahse hma lam a pan zel tih sawiin, "Martarte thisen a luang lem lem lo a, a tak takin an thi a, hnam sipaite inhlannate kha dah hniam theih a ni lo," a ti a; 'Pathian leh kan ram tan' tia Pathiana innghatin, Mizo nationalism chawi vul zel chunga hma an lak dawn thu a sawi.

Chief Minister chu sorkar tirh aṭangin lamhlá leh lamhnaiah a tlan nghal dâwr dâwr nia sawiin C Lalrinsanga chuan, "Pu ber a chêt nghal char char avang hian a naute pawhin hna kan thawk nghal char char a ni. Minister-te min ring tawk em em mai hi a ropui tak zet. MNF hi sorkar la rei lo mah se, hnathawh hmuh tur a awm nual tawh a ni," a ti.