MSHCS Governing Body ṭhukhawm

Mizoram State Health Care Society (MSHCS) Governing Body chu nimin khan Secretariat conference hall-ah Health & Family Welfare minister Dr R Lalthang­liana hoin an ṭhu khawm.

Meeting-ah hian khaw­pui leh thingtlang lama huapzo zawka MSHCS kalpui dan tur te, Health Care Scheme tana sum tam zawk dah te, scheme hnuaia hnathawkte'n 7th. pay an lak theihna tur te, scheme changtlung zawka kenkawh dan tur te, damlo zin veivahna tur sensote leh sorkar hospital bakah mimal hospital pawhin an kalpui theih dan turte sawiho a ni.   

MSHCS hi April 2008 aṭang khan kalpui ṭan niin, Rs. 3,00,000 thleng damlo inenkawl nan bill theih ṭhin a ni a, October 2018 aṭang khan MSHCS leh AB-PMJAY (Ayushman Bharat Pradhan Mantri Jan Arogya Yojana) chhûnfin niin, chhungkaw pakhat tan Rs. 5,00,000 thleng inenkawlna senso bill theih a ni tawh.