Aizawlah Florist Show ṭan a ni

Mizoram Florist Association (MFA) chuan nimin khan Khatlaa Aizawl Convention Centre sakna tur hmun atana ruahmanah Florist Show an buatsaih a, MJA president Zonunsanga Khiangte-in a hawng.

Zonunsanga Khiangjte chuan, pangpar chu Pathian ropuizia puang chhuaktu a nih thu sawiin, "Tu tan mah ngaihnêp chi a ni lo. Ram chang­kang apiangin pangpar an ngainá a, induhsakna leh inchawimawina atan an hmang ṭhin. Khawvel awm chhung chuan pangpar a chuai dawn lo," a ti a; pangpar hmanga sumdawn chu sumdawnna thianghlim a nih thu a sawi.

MFA president Lalropari pawhin thu sawiin, "Kan member-te hian pangpar thar chhuah hralh tur an nei reng a, a hralhna tur hmun nghet kan neih loh avangin harsatna kan tâwk a ni. Mizoram hi pangpar hmanga tihvul kan tum," a ti.

Flower Show hian February 1, 2019 thleng a awh dawn a, dawr 73 siam niin, pangpar ṭiak aṭanga a kûng puitling thleng zawrh a ni.