MHSA-in khawmpui an hmang

Mizoram Horticulture Service Association (MHSA) chuan nimin khan Chite-a Horticulture Centre-ah khawmpui an hmang a, Horticulture director Elizabeth Saiparu chu an department hnuai-ah kuthnathawktute thlai thar hralhchhuah kawnga hmalatu tur marketing cell din a ni dawn thu a sawi.

Elizabeth Saipari chuan MHSA member-te chu office ni mai loa, sorkar tana thawktu an ni tih in hre reng tura chahin, "Tunah pawh sorkar thar a piang a, sorkar fawng chelhtute chu an eng party mi pawh ni se, an policy tihlawhtling tura ṭanlak chu kan tih tur a ni tih hriat a ngai. Kuthnathawktute tana thawh piah lamah ram mipui zawng zawngte tana thawktu kan ni tih hriat reng a pawimawh," a ti.

Chawhnu lam chu an pawl vice president, K. Lalduhawma kaihruaiin ro an rel a, an pawl hruaitu thar tur an thlang bawk. MHSA-ah hian hian member 80 an awm mek a, sanction post awm zat chu 97 niin, post hnawh khah loh 17 a awm a ni.