Minister-in mela a khâr

ICAR Research Complex for NE Region, Mizoram Centre, Kolasib-in Kolasib Vengthar khelmuala ni hnih awh Krishi Unnati Mela 2019 an buatsaih chu nimin khan Agriculture minister C Lalrinsanga'n a khâr.

C Lalrinsanga chuan, kut hnathawktute deh chhuah leh thar chhuahte a hmuhpui thei chu hlu a tih thu sawiin, "ICAR, Kolasib hi kum 2002 khan ka tlawh tawh a, hmalakna zau zawk leh kuthnathawkte nena thawhona ṭha zawk a awm tih a hmuh theih hi a lawmawm hle. Chumi rah aṭanga vawiina farmer-te nena inbantawnna/intlawhpawhna hun remchang tak kutpui kaltlanga huaihawt a ni," a ti.

Agriculture Minister chuan, kut hnathawktute chu ICAR-a thawkte chu ràlkhat en mai lo a, ṭhiana siam tura chahin, "Harsatna in neih leh hriatthiam loh in neihte inthla-hrung loin zawt ṭhin ang che u," a ti a; mithiamte chu ṭangkai taka hman tum turin a fuih a ni.