CEO-in Champhai a tlawh

Chief electoral officer (CEO) Ashish Kundra chuan nimin khan Champhai leh Zokhawthar a tlawh a, strong room leh counting hall-te a enfiah.

CEO hian Champhai DC conference hall-ah sorkar official-te a kâwm a; Champhai bawrhsap Dr Naveen Aggarwal chuan, Assembly inthlanpui zawh taka inthlan kalpui dante leh mipui vote thlak thei awm zatte a lem nen a tarlang a, strong room panga hman ṭhin chu tihtawp a, a aia tlem zawk hman ni tawh se a duh thu a sawi.

Official-te chuan CEO Ashish Kundra hnenah Lok Sabha inthlan lo awm tura mamawh hrang hrang an neihte an thlen nghal a ni.