Loneitute harsatna sutkian dan tur sawiho

Agriculture minister C Lalrinsanga chuan nimin khan video conference hmangin Agriculture department hotu te, district hrang hranga offi cer-te leh DC-te meeting a neihpui a, Covid-19 lockdown vanga thingtlang loneitute tana harsatna awm thei sutkian dan tur a sawipui.

Minister chuan, April 14, 2020 thleng inkharkhip tur ni mah se, kut hnathawktute chu chiai lo tura a duh thu sawiin, invenna uluk tak chunga ram lam hna thawh a ṭul thu a sawi a, "Kal khawm lo zawnga mangkhawh te, thlai chi thlāk te, thlam sak leh ṭul dangte inkhap loa hmalak a ngai.

Kut hnathawktute'n tluang taka hna an thawh theih nan fi mkhur taka ruahmannate kan siam a ngai a ni," a ti. C Lalrinsanga chuan, PM KISAN Scheme hnuaiah Mizorama loneitu mi 43,208te bank account-ah March 31, Thawhlehni thlengin cheng nuai 864.16 thun a nih tawh thu a sawi.

Meeting-a an sawi danin, ramri dep Mamit leh Champhai district-a khaw tlemteah feh khap rih a ni a, hmun dangah chuan khap a ni lo. Ṭhal lai hi kurtai thar tam lai a nih avangin, MIZOFEDin a lei dan lo ngaihtuah se, an ti a; sawhthing chu MAMSOL-in a lak khawm dan ngaihtuah se, an ti bawk.