Mamitah Induction Training

Administrative Training Institute, (ATI) Aizawl bultumin Thawhlehni khan Mamit IPR conference hall-ah 2nd Induction Training Programme (ITP) ṭan a ni a, DC Vanlalngaihsaka'n a hawng.

Vanlalngaihsaka chuan Mamit district chhungah hetiang training programme buatsaih a ni chu a lawmawm a tih thu sawiin, "Office tin aṭanga training tur kalten tihtak zeta kan training pawimawh hle," a ti a, training-a telte chu sorkar hna an thawhna kawngah hlawkna tam tak chharchhuak ngei tura taima leh tihtakzeta a tawp thlenga tel turin a chah.

Induction Training Programme-ah hian Mamit khawpui chhunga sorkar hnathawk Group B leh Group C te aṭangin mi 39 an tel a, February 9 thleng a awh ang.