Oil pawlh dal hralh tur man

Central YMA hnuaia Vigilance Sub-Committee chuan Vairengte leh a chhehvelah tuialhthei pawlh dal a hluar tih an hriat avangin an bawhzui a; February 10, Nilaini khan Vairengte Police-te nen a huhoa an enfiahnaah tuialhthei pawlh dal, hralh chhuah mai tura siam tawh eng emaw zat an man.

CYMA Vigilance Sub-Committee chairman HF Lalrinpuia chuan, tuialhthei pawlh dal avangin lirtheiin a tuar a, ṭul loa sum tam tak sênna a nih thu sawiin, "Oil pawlh dal leh Mizo hming hawha hnam dang sumdawntir te, buhfai leh gas tihchingpen te, dik lo taka driving licence pek chhuah awm ṭhinte a awm tawh lohna turin Mizoram mipuite sual donaah sorkar thâ tichak tura thawhpui turin CYMA chuan a sáwm a ni," a ti.