Ruihhlo ngaite enkawl dan zir chiang dawn

Mizoram sorkar hma­laknaa ruihhlo ngaite enkawl dan leh a kalphung zir chiang tura thlan mi 30-te chu nimin khan Sec­retariat Complex aṭangin Social Welfare secretary K Vanlalrawni'n a vai liam.

K Vanlalrawni chuan, Chief Minister leh Social Welfare Minister-te'n de-addiction centre-te hma­sawnna an ngaih pawi­mawh thu a sawi a, "Ruih­hlo vanga kan ram natna tihdam a nih theih nan sorkarin theihtawp chhuahin hma a la mek a ni," a ti.

Mi 30-te hian TTK Hospital, Chennai-ah ruihhlo ngaite enkawl dan ni kaw chhung an zir dawn a, February 13, 2019-ah an rawn let ang. He programme hi ruihhlo ngaite enkawl kawnga kalphung mumal leh changtlung zawk Mizo­ramin a zir chhuah theih­na tura ruahman a ni.