Inthlan thlir lêtna leh thlir lâwkna

ICFAI University-a Political Science department leh ZONET Cable TV chuan, nimin khan ICFAI University Auditorium-ah 'Mizoram Inthlanpui 2018 thlir letna leh Lok Sabha inthlanpui 2019 thlir lâwkna’ an buatsaih a; Mizorama political party hrang hrang - BJP, INC, MNF, PRISM leh ZPM aiawhte'n thu an sawi.

'Mizoram Inthlanpui 2018 thlirlet­na leh Lok Sabha inthlanpui 2019 thlirlâwkna' hi ICFAI University, Mizo­ram vice chancellor Lt.Gen. Dr AK Misra chuan a hawng a, registrar Joseph Lalremsanga pawhin a hmanpui. Kum 2018-a Mizoram Assembly inthlanpui chungchang zau taka sawiho a nih bakah, kumina Lok Sabha inthlanpui lo awm tura party hrang hrangte inbuatsaihna sawi a ni. 

Political party aiawhte'n thu an sawi bakah, zawhna leh chhanna hun hman a ni a; party hrang hrangte chuan Lok Sabha inthlanpuia hmalak an tum dante leh an policy-te an sawifiah a ni.