World Photography Day hman a ni

Information & Public Relations department leh Mizo Photographers’ Society (MPS) huaihawtin nimin khan Aizawla IPR Auditorium-ah World Photography Day vawi 180-na hman a ni a, IPR secretary Sangdingliana khuallian a ni.

Sangdingliana chuan, thlalak chu mihring hlimthla phochhuak thei hmanraw ṭangkai a nih thu sawiin, IPR department chu Mizoram Allocation of Business Rules, 2019 hnuaiah June thla aṭangin thlalak lamah nodal department a nih thu a sawi a, "Department chuan hmalakna a ngaihtuah ang a, budget pawh a hrana dah a ni," a ti.

Day hmanna inkhawm hi Mizo Photographer Society president Tlauliana'n a kaihruai a; photography workshop neih niin, IPRO Pratab Chhetri, MPS assistant secretary Johny Ngurthansanga leh member Runremmawia Tochhawng ten paper an buatsaih an sawi. IPR director Lallianpuii'n thu a sawi bawk.

World Photography Day-ah hian MPS-ah Face­book kaltlanga thlalaka intihsiak an buatsaiha lawmmante sem a ni a; intihsiakah hian thlalak 1,480 chhuang a lut a ni.

Category    A dawngtu

Abstract    Zothankhuma

Aerial    Patrick Dawnglura

Architectural Photography    Dennis Lalmawia

Candid    Zothankhuma

Landscape    J Lalṭanpuia

Mobile    C Vanlalruata

Portrait    F Lalramsanga

Table Top    Raymond B Malsawmtluanga

Street    Vanlalpeka Sailo

Wildlife    R Thangkima