Tui tihthianghlimna sem a ni

North-East Initiative Development Agency (NEIDA) leh TATA Trusts-te chuan nimin khan Khawthlangtuipui lian tuarte hnenah tui tihthianghlimna leh a vawn ṭhatna an sem.

NEIDA leh Tata Trusts hian Tlabung bakah, khaw dang pathum - Serhuan, Tablabagh leh Tippereghat-a tuilian tuar chhungkaw 370 hnenah tui litre 27 dah theihna water filter an sem a; tui len laia ṭangkai taka hman tur, tui nu tihthiang­hlimna tur damdawi an sem bawk.

Ṭanpuina semtute chuan, an thil dawnte ṭangkai taka hmang turin a dawngtute an chah a; tuilian tuarte pawhin, tui len laiin tui thianghlim in tur an tlachham ṭhin tih sawiin, NEIDA leh Tata Trusts-te thil sem chu an ṭangkaipui dawn hle tih an sawi.