CM-in Aviation Minister a kâwm
New Delhi-a châm mek chief minister Zoramthanga chuan August 19, Thawhṭanni khan Union Civil Aviation minister Hardeep Singh Puri a hmu a, Lengpui Airport tihchangtlun dan tur leh thil pawimawh dangte a sawipui.
Sorkar thuchhuah tarlan danin, CM Zoramthanga hi Hardeep Singh Puri leh Civil Aviation official-te nen an inkâwm a; CM chuan, Lengpui Airport tihhmasawn a ṭul dan leh thlawhtheihna tam zawk thlawhtir a ṭul thute a sawi a, hmalakpui turin Union Aviation Minister chu a ngen a, Aviation minister pawhin a lo en zui tur thu a sawi.
Chief Minister hi chief secretary Lalnunmawia Chuaungo leh GAD Aviation Wing principal consultant Wg Cdr J Lalhmingliana ten an ṭawiawm a ni.