KHAWTHLIR
Thisen pe
ṬKP, Tuiphai Pastor Bial chuan nimin khan Khawhri BCM kohhran hall-ah thisen pek rûnpui huaihawtin, Civil Hospital, Lunglei blood bank tan thisen unit 51 an pe a, a petute mipa 42 leh hmeichhia pakua an ni.
Scouts & Guides
Mizoram Bharat Scouts & Guides chuan nimin khan an president Zoramthanga, chief minister hoin CMO conference hall-ah State Council Meeting an nei a; kum 2021-22 chhunga programme hman tur hrang hrang ruahman leh pawl inkaihhruaina State Bye-laws thar chu pawm a ni. CM hian Saizampuii lehkhabu ziah, 'Mizoram Bharat Scouts & Guides chanchin' tih a tlangzarh nghal.
Party-ah lawm lût
ZPM party chuan nimin khan an pisa conference hall-ah ‘Mi thar lawm luhna’ inkhawm an nei a, an vice president K Sapdanga'n BJP aṭangin mi 129 a lawm lut. K Sapdanga chuan, "Party rethei berah ngháwngkawl min bahpui tura min rawn zawm hi kan lawm em em a, ram tana in theihnate hmang turin kan lo lawm che u a, theihtawpa ram tana thawkho turin kan insáwm a ni," a ti.