Court case vangin hna chhunzawm thei lo

UDPA minister Tawnluia, deputy chief mi­nister chuan INC member KT Rokhaw zawhna chhángin, UDPA department hnuaia Siaha khelmuala artificial grass phah hna thawh chu zawh a la nih loh thu leh, zawh theih a nih loh chhan chu Court-ah thubuai a awm vang a nih thu House a hrilh.

Tawnluia chuan Siaha khelmuala phûl lem phah zawh theih a nih loh chhan sawiin, "Fûr ruahtui tla vanga hmanraw lak luhna kawngah harsatna a awm vang leh field bula ram neitute'n Court-ah min khin avangin hun rei tak hna hi chawlhsan a nih vang a ni," a ti a; phûl lem phah hna thawktu chu Great Sports Infras­tructure Pvt. Ltd., Hyderabad an nih thu a sawi.

Zawh belhnate chhang­in Tawnluia chuan, Siaha khel­muala phul lem phah hna thawhah a panna kawng siam leh pavillion siamte pawh a tel thu sawiin, "A panna kawng siam hi Court-in a rel fel hma chuan thawh chhunzawm theih a ni lo. Grass phah bik erawh chu September 2019 khan Court-in chhunzawm a phal thung," a ti a; phûl lem phah leh a kaihhnawihte atan cheng vbc. 6.5 ruahman a nih thu a sawi bawk.

Deputy Chief Minister chuan MNF member Lalzirliana zawh belhna chhangin, Mamit khelmuala gallery siam hna thawh zawhna turin hmalak a ni a, sanction dil mek a nih thu House a hrilh.