Rualbanlote tan hmanrua sem
Lawngtlai district-a Samagra Shiksha hnuaia naupang, pianphunga rual ban lohna vanga a bika ṭanpui ngai children with special needs (CWSN)-te hnenah February 12, Zirtawpni khan Lawngtlai DC conference hall-ah hmanrua leh ṭanpuina (aid & appliance) sem a ni a; Lawngtlai bawrhsap Dr Andrew H Vanlaldika'n a hmanpui.
He hunah hian wheelchair panga, zakdawh tiang (crutch) pathum leh thil pek dangte sem a ni.
Lawngtlai district-ah hian CWSN naupang 380 an awm mek a; CWSN zinga hmeichhe naupangte hnenah kum tin suma ṭanpuina (stipend) pek ṭhin niin, sikul kal tura veivahnaa harsatna neite hnenah transport allowance leh anmahni hruaitute tan escort allowance pek ṭhin a ni bawk.