Minister-in border trade centre a tlawh

Commerce & Industries mi­nister Dr R Lal­thangliana chuan February 12, Zirtawpni khan Silsuri khuaa Bor­der Trade Centre hmun tur a enfiah a, khawtlang hruai­tute a kâwm nghal.

Dr R Lalthangliana chuan, Silsuri-a Border Trade Centre chu Mizoram mamawh lâk luh nan leh state chhunga tharte hralh chhuahna hmun pawimawh leh ṭangkai a la nih ngei a beisei thu a sawi a, "Sorkarin a ngaih pawimawh berte zinga mi a ni a, Bangladesh aṭanga bungrua lâk luh chauh ni loin, kan rama thar chhuah sawhthing, chhawhchhi, hmunphiah leh thil hrang hrang thawn chhuah a nih theih nan intodelh tura ṭan kan lak a ngai," a ti a; SEDP hnuaiah chak taka hmalak a nih dawn thu a sawi.

Commerce & Industries Minister chuan, sorkarin trade centre hmun tur leina tur sum tun maiah a la neih dawn loh thu sawiin, "Khaw­tlang hmasawnna tur a ni tih hre rengin VC ram emaw, mimal ram emaw phal taka pe thei an awm chuan a lawmawm hle ang," a ti a; trade centre a hlawhtlin theih nan Bangladesh leh India sorkarah sawipui zel a nih tur thu a sawi.