Police leh AR-in silai an man
Assam Rifles 23 Sector / IGAR (E) bul tumin Serchhipa Assam Rifles sipaite leh Champhai police-te chuan nimin zing khan Samthang khua leh a chhehvel, Champhai district-ah joint operation an nei a, silai pathum leh a mu an man.
Assam Rifles tarlan danin, silai an mante hi AK-56 pathum leh magazine pathum a ni.
Samthang khuaa in pakhatah silai chu uluk taka thuhruk a ni a, ngawrh taka an dap hnuah an hmu chhuak a, silai neitua puh Myanmar lam mi pawh an man nghal. Silai neitua puh chu thu zawhfiah atan Champhai police-te'n an kawl rih a ni.
Mizoram a rálmuan avangin ralthuam leh ruihhlo tawlhrûkna atan hman nasat a nih thu sawiin Assam Rifles chuan, "August 4, 2019 pawh khan .22 silai mu eng emaw zat man leh silai mu kengtu mi pahnih man a ni," an ti.