State Geological Programming Board meeting neih a ni

Nimin khan Aijal Club-ah State Geological Programming Board meeting vawi 24-na neih a ni a, Commerce & Industries deputy secretary Vanlalvuana'n a kai­hruai.

Geology & Mineral Resources, Geological Survey of India, Central Ground Water Board, Central Water Commission, Mineral Exploration Co. Ltd., Oil India, Pushpak, PWD, UDPA, PHE, Agriculture leh line department dang 

aiawhte an tel.

Meeting-ah hian Geo­logy & Mineral Resources department, Geological Survey of India - NER (Tripura-Mizoram Circle), Central Water Commission, Mizoram University, IBM-NER, Land Reve­nue & Settlement department, PWD, ONGC leh Oil India ten Mizorama an hmalakna leh hma­chhawpte an tarlang.

GSI Tripura-Mizoram Circle chuan, National Landslide Susceptibility Mapping kalpui mek chu 2019-20 chhungin field season peih hman a beiseiawm thu an sawi a; Serchhip-Thenzawl inkar, Mat lui bulah Meso-Scale landslide zonation study neih tura ruahman a nih thu an tarlang. GMR department hnuaiah West Phaileng rama minor mineral exploration and exploitation kalpui dan tur te, NH-54 Sairang-Kawnpui inkara Geotechnic and Landslide Investigation te, Lushaicherra (Thinghlun) leh Rotlanga lungalhthei zawn chungchangte an sawiho bawk.

Meeting-a tarlan dan­in, GMR department chuan kum 2018-19 chhung khan mining permit dil endik pathum, quarry atana hmun endik 76, mining permit renew dilna endik 13, mi-neral concession permit thar 132 leh permit renew 501 an nei. Rawra aṭang­in chhiah Rs. 2,38,39,568, balu aṭangin Rs. 63,43,039 leh leirawhchan aṭang­in Rs. 11,181 an hmu a; petroleum exploration licencing fee aṭangin Rs. 2,45,12,000 an hmu bawk a ni.