Mizoram Youth Commission leh Asia Pacific Youth Exchange thawhho dan tur sawipui

Mizoram Youth Commission (MYC) chairman Dr Vanlalṭanpuia, MLA chuan, South Korea-a Asia Pacific Youth Exchange (APYE) an hman mekah MYC leh APYE thawh dun dan tur a bawhzui a, kum 2020-a Mizoramin APYE a thlen dan tur APYE hotute a sawipui.

Dr Vanlalṭanpuia hi nimin khan APYE Urban Youth Academy mana­ging director Hyungmin Kim nen an inkâwm a, APYE 2019 neihna hmun Hanyang University hotute nen pawh an inkâwm. Frederick F de Castro, executive director, Team Energy Foundation chu MYC nena thawhho theih dan tur a sawipui a; Hanyang University ERICA Campus hotute pawh Mizo ṭhalaite hmasawn lehzualna tur a sawipui bawk.