One Stop Centre zirhona buatsaih

Nimin khan Siaha DCPU conference hall-ah Siaha khawpuia anganwadi worker-te hnenah ‘One Stop Centre’ (OSC) thil tum leh a hnathawh zirtirna buatsaih a ni.

Awareness programme hi OSC centre administrator Imelda C Zomuanzuali'n a kaihruai a; OSC counsellor Elizabeth Zodinpuii, Swadhar Greh Home superintendent Judith, Legal councellor Ngopapaw leh OSC case worker F Lalthlamuanpuii ten thu an sawi bakah, anganwadi worker-te ṭangkaina leh mawhphurhna sawiho a ni.

OSC hian hleilenna tuartu hmei­chhiate a ṭul angin an buaipui ṭhin dawn a, medical first aid te, police-a FIR thehluh te, legal counselling pek te, dan leh hrai chungchanga ṭanpui an ngaihna apianga ṭanpui leh an mamawh zualpui ngaihtuahpuite chu an tih tur a ni. Harsatna tâwkte tan phone number 03835-222025 leh 8730971451-ah hriattir theih a nih thu an tarlang.