Tui harsatna sutkianpui turin CM-in Union Minister a ngen

August 21, Nilaini khan Delhi a cham mek chief minister Zoram­thanga chuan Union Minister for Water Re­sour­ces Gajendra Singh Sekhawat chu a office-ah kawmin, Mizorama ruahtui dah khawl dan chungchang leh hniang­hnar zawka mitinin tui thianghlim an neih theih dan tur a sawipui.

Sorkar thuchhuah tarlan danin, Chief Minis­ter chuan Mizoram chu ruahtui dawng tam state ni mah se, a khawlna lam neih ṭhat tawk loh avangin ṭhal laiin hmun tam takah tui harsatna a thleng ṭhin tih sawiin, hei hi sutkianpui turin Union Minister hi a ngen a ni.

Gajendra Singh Se­kha­wat chuan Zoram­thanga thusawi hi a lo enzui tur thu sawiin, project siama a hnena thehlut thuai turin a hrilh. Zorama leh Union Minister hian tuihna tihpun nan leh humhalh nan mau leh rua a ṭangkai tur thu an sawi dun a ni.

Chief Minister hi minister of state Robert Romawia Royte, State Planning Board vice chairman H Rammawi leh chief secretary Lalnun­mawia Chuaungo ten an ṭawiawm a ni.