Mizoram leh Bangladesh offical-te'n Ramri chungchang an sawiho
Mizoram leh Bangladesh ramri hrula district hotute chu, nimin khan State Guest House-ah Mizoram Home secretary Lalbiakzama kaihhruaina hnuaiah an ṭhukhawm a, ramri chungchanga thil pawimawh an sawiho.
Meeting-ah hian Home Secretary bakah Lunglei, Lawngtlai leh Mamit DC leh SP ṭheuhte leh ramri kaihhnawih department hrang hrang official-te an tel.
Bangladesh aṭang pawhin district pahnih Bandarban leh Rangamati Hill DC leh SP te bakah official dang engemawzat an tel a ni. Meeting-ah hian agenda 18 an sawiho a ni.
Meeting-a an sawihote :
l Dan kalha ramri kan
l Ramri hrul pawikhawihna ven kawnga thawhho
l Dan phal loh bungrua leh ruihhlo tawlh dan kawnga hmalakna
l Dan kalha ramri kan leh pawikhawitute ramri kana tlanchhia thawnkirna hmun buatsaih
l Hmeichhia leh naupang hralh leh tawlhruk donna kawnga ṭanrual dan tur
l Khawthlang Tuipui( Karnafuli) kaltlanga Bangladesh chhunga ramngaw hausakna tawlhruk khapna
l Furtui tam hun laia Bangladesh Tuikhuah (Kaptai Dam) in Mizoram chhung hmun hniam lai zawka tuilian a thlen lohna tura ruahmanna siam
l District Administration leh police kaltlanga hriattur pawimawh inhrilhtawn
l Silsury, Marpara leh Kawrpuichhuah hmuna insumdawn tawnna
l Dan kalha ramri hrula sumdawnna chungchang
l Ramri hrula joint border survey neih
l India leh Bangladesh ramri chhinchhiahna ban phunte siam belh leh a awmsa chei ṭhat
l Ramri hungna chungchang
l Ramri ven kawnga Border Security Force leh Border Guards Bangladesh a huhoa feh chhuah ṭhin rawtna
l Border Out Posts (BOP) leh CIO camp awmna hmuna Mobile Network siam
l Puanzar hmanga lawng chhin chhiahna siam
l Bandarban Hill District ramri hrula BOP siam
l Meeting hnuhnung bera thurel te bawhzui chungchang thlirlet