Meet the Authors -Elders

Art & Culture department leh Mizo Academy of Letters (MAL) Joint Headquarters, Lunglei chuan nimin khan Art & Culture Auditorium-ah Meet the Authors-Elders (hranghluite kawmna) an buatsaih a, Lunglei IPRO C Lalremruati'n a hmanpui. Rev.Dr Raltawnga, C Hrangdula leh C Laizawna te kawm an ni.

C Lalremruati chuan,  Mizo ziak mi, mithiam tak tak te, upa zawk, mi bik leh mi ràwn tlak, chawimawi phu tak takte kawmna hun an hmang ṭhin chu ropui a tih thu a sawi a; Mizo ṭawng ziah danah fimkhur thar a pawimawh thu sawiin, "Upa zawk leh rual ú tam tak tan chuan tunlai ṭhalaite thuziak leh message inthawn ṭhin angte hi chhiar thiam har leh awmze nei lo a ni fo," a ti. Ziak mite pawhin thu ziah kawngah ṭan an lak thar a ngaih thu a sawi bawk.