Ngopa-Tuivai kawng thar hawn a ni

Minister Dr R Lalthangliana chuan nimin khan Thanlawn-Singhat (Ngopa-Tuivai) kawng a hawng a, kawng thar hawnna pualin Ngopa Jubilee Hall-ah inkhawm a ni.

R Lalthangliana chuan, Mizoram sorkarin kawngpui ṭha a ngai pawimawh tih sawiin, "Chief Minister pawhin a ngaih pawimawh ber pakhat a nih avangin kawngpui ṭha siam turin pawisa hmuh theih ang ang kan dap zel dawn a ni. Thanlawn-Singhat road hi India hmarchhak leh south east Asia ramte inkalpawhna ṭangkai tak a ni dawn," a ti.

Dr R Lalthangliana chuan, Saitual-Saichal inkar kawng pawh blacktop a nih thuai theih nan ngaihtuahna sên a ṭul thu a sawi a, "Sorkar angin ke kan pên ṭan mek a, thil thar zir tur tam tak a awm. Hun hmasa lama tih sual leh tih fuh loh kan neihte pawh kan pawm thlap a, tih sual nawn kan tum tawh lo," tiin, sorkar hmalaknate dikna leh rinawmna nena thláwp turin mipui a sáwm.

Kawng hawnna inkhawmah hian bialtu MLA   L Thangmawia pawhin thu a sawi a, kawng hmangtu tur mipuite chu ṭha taka kawng enkawl turin a chah a ni.