Traffic Police-in lirthei dan bawhchhia mi 405 man tawh
Aizawl Traffic Police-te chuan July 31, 2019 aṭang khan Aizawlah special drive an nei a, veng hrang hrangah surprise checking an ti ṭhin. Traffic Police-te hian kumin July 31 aṭanga August 23 thleng khan lirthei dan bawhchhia mi 405 an man tawh a, an sum chawi tlingkhawm chu Rs. 1,52,100 a tling.
Traffic Police hotute hnen aṭanga thu dawn danin, special drive hi chhunzawm zel a ni dawn a, drive-ah hian lirthei document fel lo, driving licence nei loa lirthei khalhte leh Motor Vehicle Act bawhchhiate man ṭhin an ni. An man zinga ṭhenkhatte chu a hmunah pawisa chawitir nghal an ni thin.
Lirthei khalhtute sum chawitir ngawr ngawr chu an tum a nih loh thu sawiin Traffic Police hotute chuan, "Lirthei khalhtute leh kea kal mipuite himna pawimawhzia dan bawhchhia kan mante hi hrilh an ni a, traffic awareness
ṭangkai tak a ni," an ti a; traffic jam siam lo thei tur ang bera lirtheite dah (park) turin mipui an ngen.
Kumin July 31 aṭanga August 23 aṭanga dan bawhchhia man mi 405 zinga 193 chu a hmunah pawisa chawitir nghal an ni a, an pawisa chawi tlingkhawm chu Rs. 1,52,100 a tling. A bak chuan office-ah an pawisa chawite an pe dawn a ni.