LADC session tiam chin awm loin titawp

July 24, 2019 aṭanga neih ṭan Lai Autonomous District Council (LADC) session chu harsatna hrang hrang avang­in rorel thei loin an awm a, chuvang chuan August 22, 2019 khan tiam chin awm loa tihtawp a ni.

LADC session-ah hian sorkar ding lai rin tâwk lohna motion put luh a nih avang leh nominated member-te'n sorkar bûknaa vote an neih ve theih nan High Court-a an kal avangin rorel ṭhat theih a ni lo a; session hun chu 

ṭum thum pawhsei a nih hnuah, LADC deputy chairman LR Dingliana Chinzah chuan August 22, 2019 tlai dar 4 khan tiam chin awm loin session a titawp.

Session-ah hian July 29 khan T Zakung­a kaihhruai Congress sor­kar ding lai rin tâwk lohna motion putluh a ni a, motion hi bûk hleih theih a nih loh avangin session hun pawhsei a ni. Hetih lai hian, nominated member-te chu sorkar bûknaa vote an neih theih nan Gauhati High Court-ah an kal a, High Court hian thu­tlukna a siam mai loh avang­in session chu ṭum thum pawhsei a ni.