Myanmar aṭanga lak luh vawk PRRS kaite tihhluma phûm a ni

Animal Husbandry & Veterinary (AH&Vety) department chuan, Myanmar aṭanga vawk tawlh luh man khawmte chu PRRS an vei tih finfiah a nih avangin magistrate phalnain nimin khan an tihhlum hnuah Selesiha an farm-ah damdawi nen an phûm.

July 25 leh 28, 2019 khan Myanmar aṭanga dan loa vawk lak luh 121 man a ni a, chu'ng zinga 23 chu a thi saa man a ni. Vawk la damte chu PRRS an kai leh kai loh magistrate phalnaa endik a ni a, PRRS veite chu tihhluma phûm a ni.

PRRS kai lote chu enkawl chhunzawm a ni a, magistrate thupekin August 23 khan endik nawn leh a nih hnuah, PRRS an kai vek tawh tih finfiah a nih avangin tihhluma phûm vek an ni ta a ni.