Zangnadawmna Rs. 21,89,75,227 sem chhuak

National Highway no. 54, Kaochao-Tipa (Kawl­chaw-Tuipang) double lane-a laih turin in, huan leh ram a tihchhiatsak tur­­te hnenah nimin khan Siaha DC office chuan zang­nadawmna Rs. 21,89,75,227 a sem chhuak a; sem hmabak Rs. 23,43,58,138 a la awm.

Sorkar thuchhuah tarlan danin, zangna­dawmna sem chhuah tak sumte chu Ministry of Road Transport & Highways hnuaia NHIDCL (JICA funded) aṭanga hmuh a ni a; Siaha DC office-a Land Acquisition Cell-in an sem chhuak a ni.

•    Kaochao E-I khuaah mi 33 hnenah Rs. 1,93,31,490; sem tur Rs. 2,11,15,018 a la awm.

•    Kaochao E-II ah mi 42 hnenah Rs. 1,10,74,500; sem tur Rs. 4,11,69,357 a la awm.

•    Amobyu-V (P-7) aṭangin mi 11 hnenah Rs. 78,74,254; sem tur Rs. 78,74,250 a la awm.

•    Amobyu-V (P-8) ah mi 78 hnenah Rs. 4,46,30,730; sem leh tur Rs. 4,47,26,998 a la awm.

•    Theiva aṭangin mi 132 hnenah Rs. 5,25,66,941; sem tur Rs. 5,44,13,435 a la awm.

•    Theiri khuaah mi 184 hnenah Rs. 6,34,97,312; sem leh tur Rs. 6,50,59,080 a la awm.