Cheng nuai 9750 hu meth man

Vairengte police checkgate-a duty-te chuan February 29, Inrinni zing khan methamphetamine tablets 39 an man a, hei hi international market-ah chuan cheng nuai 9750 man hu a ni.

Police-te hian Zokhawthar aṭanga Assam lam pana tlan truck MZ/01 S - 4548 chu a hnung chhuat a rualrem loh avangin an ringhlel a, an endik a ni. Truck hnungah hian thingphelin meth hi khuh a ni a, hei hi police-te chuan an hmu chhuak a ni. Truck khalhtu Ramnunmawia (30), Zokhawthar pawh police-te hian an man a, thubuai an siam sak nghal.