YMA-in kawng siam mek an enfiah

Central YMA leh Mizoram PWD-te‘n inremna an siam tawh bawhzuiin, Buarpui Group YMA hruaitute chuan nimin khan PMGSY hnuaia kawng siam mekte a hmunah kalin an enfiah.

Buarpui Group YMA hruaitute hian Déngsur leh South Khawlêk inkar kawng siam mek an enfiah a, hna thawh mekte chu a ṭha thawkhatah an ngai. Tuihâwk luankawr (side drain cover) zauh ngai nia an hriat leh thil dang siamrem hlek hlek ngaia an hriatahte hma la nawn leh turin contractor-te an ngen a; contractor-te pawhin YMA hruaitute ngen angin hmalak nghal an tum thu an sawi.

Tlawng lui leh Buarpui inkar kawng pawh Buarpui Group YMA hruaitute chuan an tlawh nghal a; New Khawlêkah TANTIA company hotute nen hmalak zel dan tur an sawiho a ni.